As nosas liñas de cociña
Serunion ofrece aos seus clientes diferentes sistemas de preparación dos alimentos:
CENTROS TRANSPORTADOS
Ofrecemos as seguintes posibilidades:
- Liña quente: cada día chega o produto elaborado tradicionalmente nunha cociña central.
- Liña fría: o produto é elaborado mediante o sistema patentado CTH (Cociña Tradicional de Hoxe) e consérvase en refrixeración para a súa rexeneración antes do servizo.
- Liña mixta: algúns produtos de CTH e outros elaborados no propio centro.
CENTROS IN SITU
Elaboración total do produto nas instalacións do mesmo centro.
CENTROS DE PROVEDOR ÚNICO
Unicamente provemos o centro da materia prima. A elaboración realízaa o cliente.
Adaptación de menús
En Serunion sabemos que cada neno é diferente, que algúns precisan dunha dieta especial. Por iso elaboramos máis de 30 adaptacións dos nosos menús, dando resposta a estas necesidades específicas.
Xa sexa por intolerancias, alerxias ou outras cuestións, cada menú especial está coidadosamente elaborado e identificado para garantir a seguridade alimentaria dos pequenos.
Apostamos por primeiras marcas
Contar coas marcas e os provedores líderes do mercado permítenos manter a nosa promesa de calidade, tanto do produto coma do servizo. Contamos coas mellores referencias do mercado e os máis prestixiosos provedores, os que auditamos e sometemos a importantes controis de calidade e seguridade alimentaria para garantir as máximas garantías de rastrexabilidade.
Seguridade alimentaria
Co obxectivo de garantir a calidade do servizo e a seguridade alimentaria dos nosos produtos, Serunion implanta en todos os centros que xestiona un sistema de autocontrol específico á normativa do sector: a análise de perigos e puntos de control crítico (APPCC), promovida pola lexislación europea nos regulamentos RE 852/2004 e RE 178/2002.
Ademais, contamos coas seguintes garantías de calidade:
- Certificación ISO 9001: Xestión da calidade.
- Certificación ISO 14001: Sistemas de xestión ambiental.